Urip Iku Urup, Yayi.

Sapunika sampun titi mangsa enggal
Kagem Ratu lan sedaya kawula dasih
Kanthi teteg, tatag, tutug, tanggon, tatas lan titis
Ngrekadaya hangreksa bumi pertiwi
Dados linangkung reja ing samubarang kalir.
***
Urip iku urup, Yayi.
Sanadyan kathah rubeda mring wijining laku utama nira
Sanadyan warih alit gemrojog ageng kadya jawah lan sinamber nyawa
Sanadyan lungkrah, kadya raga tanpa warangka
Sanadyan kadya pandulu peteng, dados saged mirsani dahana.
Sanadyan ludira wutah ing wadasing ati nira
Sanadyan sinabet perih,
nganti tumetes waspa ing kiwa tengen nira.
***
Urip iku urup, Yayi.
Satuhu trep teteg ing manah nyawiji Ratu lan para kawula
Kanthi lillah idi pangestunipun Gusti Ingakang Maha Suci
Sumungkem sami hanenuwun
Mugi pinaringan kekiyatanipun ratri lan dhiri pribadi
Amrih sageda anyengkuyung titahing Gusti Ingkang Murbeeng Dumadi
Adhamel sucinipun manah saha jiwa para kawula dasih
Anjejaga keluruhanipun Ibu pertiwi.
***
Urip iku urup, Yayi.
Mangga, enggal tinerasaken lampah utama nira, Yayi.
Emut sadaya ingkang sampun ginaris pepeathenipun Gusti
Jer "Sura Dira Jayangingrat, Lebur Dening Pangastuti".

Ungaran, Surya kaping sanga wulan Ramadan 1441 H.